பிரசன்னத்தில் மறைபொருளாய் வரும் அருளும் குலதெய்வம்! -மேல்மருவத்தூர் எஸ். கலைவாணி

ஜோதிடவியலில் அற்புதங்கள் அநேகங்கள் உள்ள பொழுதிலும், ஆச்சரியங்களுக்கும் குறைவே இருந்ததில்லை.

அப்படிப்பட்ட ஆச்சரியங்களில் ஒன்றுதான் பிரசன்னம்.

பிரசன்னங்கள் பலவகையாக ஜோதிடத்தில் பிரதிபலித்தாலும்,எளிமையான பிரசன்னமாகிய கடிகார பிரசன்னம் கூறும் அதே பலனை தான், கடினம், அதீத சாநித்தியம் என்று போற்றக்கூடிய அஷ்டமங்கள பிரசன்னமும் எடுத்துரைக்கும். இதுதான் பிரசன்னத்தின் ஆகச்சிறந்த விஷயமாகும். 

திதி, யோகம், கரணம், ராசி, நட்சத்திரம், திதி சூன்யம், முடக்கு, இந்து லக்னம், புஷ்கரநவாம்சம் என்று அடுக்கிக் கொண்டே செல்லும் வகைகளில் இல்லாததையா இந்த பிரசன்னம் கூறிவிடும் என்கின்ற மன ஓட்டம் அநேகமானவர்களுக்கு இருக்கும் அல்லவா? 

ஆம்;

கேள்வி பிரசவிக்கும் கண நேரத்தில் பதிலையும் சுமந்து நம் கரம் சேர்க்கும் சூட்சம சக்தி பிரசன்னம் ஆகும். 

ஒரு கேள்விக்கு ஒரு பதில் என்ற பட்டையை கிளப்பும் அநேகமான ஆச்சரியங்கள் புதைக்கப்பட்ட பெட்டகம் தான் இந்த பிரசன்னம். 

சரி; பிரசன்னத்தின் வில்லன்கள் யார் தெரியுமா? பாதக அதிபதிகளும், மாந்தியும்தான். அதோடு மட்டுமல்ல நமக்கு கிடைக்கவே முடியாத செயல்களின் உயிரோட்டம் பாதகஸ்தானத்தில் அமர்ந்து விட்டால் இறைவனே நினைத்தாலும் நமக்கு வழங்க முடியாது. 

இத்தனை வல்லமை நிறைந்த பிரசன்னத் தில் குலதெய்வம் ஆக்கிரமித்துக் கொள்ளும் பாவகம் நான்காம் பாவகம் ஆகும். 

என்ன இதுநாள் வரை ஐந்தாம் பாவகம் தான் குலதெய்வம், பூர்வ புண்ணிய ஸ்தானம் என்றீர்களே என்று தோன்றுகின்றதா? 

ஜாதகத்தில் ஐந்தாம் பாவகம் தான் குலதெய்வம் இதில் மாற்று கருத்து கிடையவே கிடையாது. ஆனால் பிரசன்னத்தில் நான்காம் பாவகமே குலதெய்வ பாவமாக பாவிக்கப்படுகின்றது. 

குலதெய்வம் எழுதும் பொழுதும், இந்த பெயரை கூறும்பொழுதும், நான் உள்பட அனைத்து ஜீவன்களுக்கும் சொல்ல இயலாத ஒரு மெல்லிசை தழுவல் நிச்சயமாக நிகழ்ந்தே தீரும். 

எத்தனை ஆயிரம் ஆண்டுகளாக ஒரு சமூகத்தின் காப்பாளனாக அமர்ந்து அருள் பாலிக்கும் கருணைக்கடலை வேறு எவ்வாறு தான் உணர்வது.

காற்றில் நீட்டப்பட்ட விரலை கணகச்சிதமாக பிடித்து வழிநடத்தும் அன்னையும், ஐயனும், அவன் தான். 

அவன் இன்றி ஓர் அணுவும் அசையாது என்பது குடும்ப சூழலில் ஆழமாக தன்னை அர்ப்பணித்துக் கொண்ட பெண்கள் நிச்சயமாக உணர்ந்திருப்பார்கள். 

கோடி கொடுத்தாலும் குலதெய்வத்திற்கு ஈடாகுமா? என்பார்கள் நம் முன்னோர்கள்.

இந்த குலதெய்வத்தின் அருள் ஒன்று மட்டுமே போதுமானது மானுட ஜீவிதம் கடைத்தேர்வதற்கு. 

என்ன இருந்த பொழுதிலும் இந்த மாபெரும் சக்தி சில ஜீவன்களுக்கு மறுக்கப் படுவதையும், செயலற்று கட்டுண்டு இருப்பதையும், காண முடிகின்றது. 

இந்த சக்தி முடக்கத்தினால் ஏற்படும் ஒவ்வாமைகளும், தீர்க்க முடியாத பிரச்சினைகளும், எண்ணில் அடங்காதவை. 

வழிகாட்டி இல்லாமல் தவிக்கும் நடுக்கடல் படகு போல சிலரின் வாழ்க்கை அமைந்து விடுவதற்கு காரணம் இந்த உயிர் சக்தியின் உயிரோட்டம் நம்மை சுற்றி வலம் வராமல் இருப்பதால்தான். 

சரி; இதை எவ்வாறு கணக்கிடலாம் என்பதையும் அதிலிருந்து விடுபடும் சூழலையும் ஒரு பிரசன்னத்தின் மூலம் காணலாம். 

மேலே போடப்பட்ட பிரசன்ன கட்டத்தின் கேள்வி எங்களின் குலதெய்வம் எங்களுக்கு சாதகமாக உள்ளதா அல்லது கட்டுண்டு உள்ளதா? எங்களின் தொழில் வளர்ச்சி எவ்வாறு இருக்கும்? என்கின்ற கேள்வியை சுமந்து போடப்பட்ட பிரசன்னத்தின் பதிலை காணலாம். 

1.ஆரூடம் சிம்மம் 

2.உதயம் மீனம் 

3.கவிப்பு மகரம் 

4.கவிக்கப்படும் கோள் சுக்கிரன் 

5.உதயத்தை நோக்கி வரும் கோள் குரு 

6.உதயத்தை கடந்த  கோள் புதன் 

7.நான்கில் மாந்தி

இது எதனை உணர்த்துகின்றது.

கேள்வி உள்ள பாவகத்தில் அமர்ந்த மாந்தி தனது முழு வல்லமையும் கையகப்படுத்தி குடும்பத்தில் விரும்ப ஒவ்வாத விஷயங்களை நிகழ்த்திக் கொண்டிருக்கின்றார்.

ஆருடத்திற்கும், உதயத்திற்கும், 6 மற்றும் 8 ஆம் தொடர்பு வருவதனால் இந்த பிரசன்னத்தினால் கேட்கப்படும் கேள்வி இலகுவான ஒரு கேள்வி அல்ல இதில் பிரச்சனை நிச்சயமாக உள்ளது. 

குலதெய்வத்தை சுட்டிக்காட்டும் 4-ஆம்  பாவகம் விருச்சிகமாக அமைந்து, அதில்6 மற்றும் 7 க்கு உரிய கிரகமான சனி அமருகையில் இவர்களின் குல தெய்வம் 

அருவாள் மற்றும் ஈட்டி போன்ற கூர்மையான ஆயுதத்தை கொண்ட எல்லை காவல் தெய்வமாகவும், அதுவும் ஆண் தெய்வமாக இருப்பதற்கு வாய்ப்புகள் அதிகம். 

உதயமும், ஆரூடமும் 6, 8 ஆக அமைவதும், 6 ஆம் அதிபதி 4 -ல் அமர்வதும், குலதெய்வம் இவர்களுக்கு சாதகமாக இல்லை என்பதை உணர்த்துகின்றது. 

எதிர்காலத்தை குறிக்காட்டும் உதயாதிபதி குரு, பாதக ஸ்தானமான ஒன்பதில் இருப்பதனால் மேலும் இது ஒரு இறுக்கத்தை அளிக்கின்றது. 

சுக்கிரன் என்கின்ற கிரகத்தின்மீது விழுந்த கவிப்பானது, இந்த வம்சத்தில் 12 ல்  இருந்து 13 வயதிற்குள் ஒரு பெண் குழந்தை வதைந்து இறந்துள்ளதை உணர்த்துகின்றது. 

10 ஆம்அதிபதி என்று அறியப்படக்கூடிய சுக்கிரன், மீது கவிப்பு விழுந்ததனால் இவர்களின் தொழில் மிகவும் இடர்பாடான சூழலை நோக்கி சென்று கொண்டிருப்பதை உணர்த்துகின்றது.

கிட்டத்தட்ட 92 வருடங்களாக நடத்தப்பட்டு வந்த துணிக்கடை வளர்ச்சி அற்று நஷ்டத்தின் வசம் சென்று கொண்டு இருப்பதாக அவர்கள் ஒத்துக் கொண்டார்கள். 

இவர்களின் தந்தையின் தங்கை உடல்நிலை சரியில்லாமல் வதைபட்டு இறந்ததாக ஏற்றுக் கொண்டார்கள். 

இவ்வளவு பிரச்சினைகள் இருந்தாலும் உதயத்தை நோக்கி குரு வருவதனால் பரிகாரத்தின் மூலம் பிரச்சினைகளை தீர்த்துக் கொள்ள முடியும்.

தை மாதம் மகர சங்கராந்திக்கு பிறகு இவர்களின் வாழ்க்கையில் இளைப்பாறுதல் கிடைக்கும்.

குரு ஏதோ ஒரு பெரியோரின் வழிகாட்டுதல் இவர்களுக்கு வரமாக அமையும்.

இவர்களின் தெய்வம் ஆண் தெய்வம் என்பதனால் அமாவாசை அன்று ஒன்பது தேங்காயை உடைத்து தீபம் ஏற்றும் பரிகாரம் இவர்களின் குலதெய்வத்தை மனமுருக செய்யும். 

சனி, செவ்வாய் இணைவு பெறுவதால் இந்த குடும்பத்தில் வாழ்ந்து வரும் கணவனை இழந்தவர்களுக்கு உதவிகள் செய்வதன் மூலம் இவர்களின் பிரச்சனையை தீர்த்துக் கொள்ள முடியும். 

சனிக்கிழமைகளில் வரும் செவ்வாய் ஓரையில் அடிமட்ட கூலி தொழிலாளிகளுக்கு காலணிகள் வாங்கித் தருவதன் மூலம் பிரச்சினைகள் தீரும். 

மேலும் பல சூட்சமத்தை எடுத்துரைக்கும் இந்த பிரசன்னத்தில் சிலவற்றை கூற இயலாது. 

நிமிடத்தில் பிரச்சனையின் வீரியத்தை எடுத்துரைக்கும் பிரசன்னம் உண்மையிலேயே ஜோதிடவியலின் அற்புதம்தான்.

செல்: 80563 79988